Maidir Linne

Is smaoineamh agus togra de chuid Dúrud Teoranta, cuideachta lonnaithe i mBaile Átha Cliath (www.durud.ie), an suíomh seo. Mheas an chuideachta go raibh gá le heagar a chur ar na háiseanna iontacha atá ann i dtaca le scríobh na Gaeilge, agus le poiblíocht a dhéanamh orthu. Ná bídís ina rúnta!

Gabhaimid buíochas le Foras na Gaeilge a thug cúnamh an obair seo a chur i gcrích.

Tréaslaímid freisin leis na comhlachtaí, na hinstitiúid, agus go háirithe leis na daoine aonaracha ar fad a chuir na háiseanna ar fad a luaitear ar an suíomh seo ar fáil. Táimid ar fad faoina gcomaoin.

LibreOffice - An Próiseálaí Focal is Fearr

Molaimid d’aon duine atá ag scríobh as Gaeilge leas a bhaint as LibreOffice. Seo próiseálaí focal atá saor in aisce ina bhfuil litreoir leictreonach agus teasáras freisin. Is féidir PDF a dhéanamh as an téacs freisin ar bhealach iontach éasca.

Is féidir cáipéisí MS Word a léamh le LibreOffice, athruithe a dhéanamh, agus iad a shábháil arís mar cháipéisí MS Word.

Foclóir Gaeilge/Gaeilge ar-líne

Tá foclóir Gaeilge/Gaeilge ar fáil ar-líne. Ní hamháin go bhfuil míniú ar fhocail i nGaeilge, ach tá gach leagan de bhriathra agus focail eile a athraíonn le fáil ann freisin.

Potafocal

Má tá eolas uait ar fhocal ar bith, ní gá duit ach cuairt a thabhairt ar an suíomh potafocal.com. Déanann an suíomh seo eolas atá ábhartha maidir leis an bhfocal atá á chuardach a chur ar fáil. Baintear leas as neart foinsí éagsúla, agus bíonn nascanna ann freisin ag áiseanna eile, leithéidí focal.ie. Is fiú go mór leas a bhaint as.