Tá próiseálaí focal Gaeilge, atá ar fheabhas agus saor ó chostas, ar fáil ag an suíomh seo a leanas:
Mar a luaitear in áit eile ar an suíomh seo, tá litreoir leictreonach maith atá saor ó chostas ar fáil dó freisin. Freisin, tá teasáras den scoth ann.
Tá aistriúchán den scoth go Gaeilge déanta ar an bhfeidhmchlár seo.
Nóta: Ós rud go bhfuil Oracle, ar leo OpenOffice.org, tar éis cinneadh a dhéanamh gan a thuilleadh forbartha a dhéanamh air, tá forbróirí neamhspleácha eile tar éis cinneadh a dhéanamh forbairt neamhspleách a dhéanamh air, ach faoin ainm eile, “LibreOffice”, atá faoi chaibidil againn anseo. Déanfaidh LibreOffice déileáil le haon cháipéis a ullmhaíodh le hOpenOffice.org, agus tá na hiarmhíreanna céanna (odt, agus a leithéid) i gceist freisin.
Tá i bhfad níos mó ar fáil sa phacáiste seo: tá clár scarbhileoige, clár cur i láthair, clár líníochta agus eile freisin.
Cad é LibreOffice?
Sraith feidhmchlár iomlán “foinse oscailte” agus “caighdeán oscailte” is ea LibreOffice atá comhoiriúnach le gach mórshraith feidhmchlár (Microsoft Office agus OpenOffice.org san áireamh).
Tá cosúlachtaí ann le Microsoft Office (ar cuid é Word de), ach ní hé an rud céanna é. Mar sin féin, is féidir cáipéisí ó Microsoft Word a tharraingt isteach ann agus a léamh, agus ansin a athshábháil i bhfoirm Microsoft Office arís, más gá.
Molaimid d’aon duine atá ag scríobh as Gaeilge leas a bhaint as LibreOffice. Seo próiseálaí focal atá saor in aisce ina bhfuil litreoir leictreonach agus teasáras freisin. Is féidir PDF a dhéanamh as an téacs freisin ar bhealach iontach éasca.
Is féidir cáipéisí MS Word a léamh le LibreOffice, athruithe a dhéanamh, agus iad a shábháil arís mar cháipéisí MS Word.
Tá foclóir Gaeilge/Gaeilge ar fáil ar-líne. Ní hamháin go bhfuil míniú ar fhocail i nGaeilge, ach tá gach leagan de bhriathra agus focail eile a athraíonn le fáil ann freisin.
Má tá eolas uait ar fhocal ar bith, ní gá duit ach cuairt a thabhairt ar an suíomh potafocal.com. Déanann an suíomh seo eolas atá ábhartha maidir leis an bhfocal atá á chuardach a chur ar fáil. Baintear leas as neart foinsí éagsúla, agus bíonn nascanna ann freisin ag áiseanna eile, leithéidí focal.ie. Is fiú go mór leas a bhaint as.
