Aistritheoirí

Cé nach mbaineann sé seo go díreach le cúrsaí ríomhaireachta, níor mhiste sonraí teagmhála aistritheoirí a lua.

Aistriú

Má tá aistritheoir de dhíth ort, is féidir leat ceann oilte agus cáilithe a aimsiú ar liosta Fhoras na Gaeilge. Déan cliceáil ar an nasc “Aistritheoirí Creidiúnaithe don Earnáil Phoiblí”.

Logánú

Más logánú atá á dhéanamh agat, sé sin suíomh idirlín, both leictreonach nó feidhmchlár ríomhaireachta a chur in oiriúint don Ghaeilge, is féidir leat dul i dteagmháil leis na saineolaithe ag Dúrud Teoranta, ag an seoladh seo a leanas: eolas@durud.ie.

Nóta: Is é Dúrud Teoranta a d’fhorbair an suíomh áirithe seo.

LibreOffice - An Próiseálaí Focal is Fearr

Molaimid d’aon duine atá ag scríobh as Gaeilge leas a bhaint as LibreOffice. Seo próiseálaí focal atá saor in aisce ina bhfuil litreoir leictreonach agus teasáras freisin. Is féidir PDF a dhéanamh as an téacs freisin ar bhealach iontach éasca.

Is féidir cáipéisí MS Word a léamh le LibreOffice, athruithe a dhéanamh, agus iad a shábháil arís mar cháipéisí MS Word.

Foclóir Gaeilge/Gaeilge ar-líne

Tá foclóir Gaeilge/Gaeilge ar fáil ar-líne. Ní hamháin go bhfuil míniú ar fhocail i nGaeilge, ach tá gach leagan de bhriathra agus focail eile a athraíonn le fáil ann freisin.

Potafocal

Má tá eolas uait ar fhocal ar bith, ní gá duit ach cuairt a thabhairt ar an suíomh potafocal.com. Déanann an suíomh seo eolas atá ábhartha maidir leis an bhfocal atá á chuardach a chur ar fáil. Baintear leas as neart foinsí éagsúla, agus bíonn nascanna ann freisin ag áiseanna eile, leithéidí focal.ie. Is fiú go mór leas a bhaint as.