Tá roinnt daoine aonair tar éis éachtaí dá gcuid féin a dhéanamh maidir le háiseanna foclóireachta a chur ar fáil.
Luaitear ceann amháin ach go háirithe anseo. Féachtar an suíomh:
www.englishirishdictionary.com
Ar an láithreán seo, nuair a dhéantar focal a chuardach, liostáiltear aistriúchán air, mar aon le sraith fada (de ghnáth) de abairtí ina bhfuil an focal áirithe sin á úsáid, i dteannta aistriúcháin ar na habairtíní céanna. Tá an suíomh seo néata, agus iontach úsáideach. Ní luaitear cé atá laistiar de.
Tá aistriúcháin go dtí iliomad teangacha ar fáil ar théarmaíocht a bhaineann leis an Aontas Eorpach le fáil ar an suíomh seo a leanas:
Cuirfear leis an liosta seo le himeacht aimsire.
Molaimid d’aon duine atá ag scríobh as Gaeilge leas a bhaint as LibreOffice. Seo próiseálaí focal atá saor in aisce ina bhfuil litreoir leictreonach agus teasáras freisin. Is féidir PDF a dhéanamh as an téacs freisin ar bhealach iontach éasca.
Is féidir cáipéisí MS Word a léamh le LibreOffice, athruithe a dhéanamh, agus iad a shábháil arís mar cháipéisí MS Word.
Tá foclóir Gaeilge/Gaeilge ar fáil ar-líne. Ní hamháin go bhfuil míniú ar fhocail i nGaeilge, ach tá gach leagan de bhriathra agus focail eile a athraíonn le fáil ann freisin.
Má tá eolas uait ar fhocal ar bith, ní gá duit ach cuairt a thabhairt ar an suíomh potafocal.com. Déanann an suíomh seo eolas atá ábhartha maidir leis an bhfocal atá á chuardach a chur ar fáil. Baintear leas as neart foinsí éagsúla, agus bíonn nascanna ann freisin ag áiseanna eile, leithéidí focal.ie. Is fiú go mór leas a bhaint as.
