Aidiachtaí

An mbíonn bananaí ón Afraic níos buí, níos buíthe nó níos buidhe ná bananaí ó Mheiriceá Láir? Má tá an cheist seo, nó ceisteanna eile i dtaca le breischéim na n-aidiachtaí, ag déanamh tinnis duit beidh áthas ort a chloisteáil go bhfuil áiseanna ann anois a thiocfaidh i gcabhair ort.

Mór – Níos (Breischéim) – Is (Sárchéim)

Tá an aidiacht sin – dála neart eile – simplí go leor, ach cad faoi nua (níos nua? nuaí? nuaidhí?) Uaireanta, ní bhítear go hiomlán cinnte.

Is é WinGléacht an áis is fearr le freagra a thabhairt ar an gceist seo. Cé gur foclóir atá ann i ndáiríre, is féidir na leaganacha éagsúla de fhocail áirithe a aimsiú ann éasca go leor. Má chuirtear an aidiacht isteach sa bhosca cuardaigh (buí mar shampla), taispeántar liosta aistriúchán. Roghnaítear an ceann ar aidiacht é, déantar deaschliceáil air agus taispeánfar na leaganacha éagsúla den aidiacht. (Bíonn bananaí níos “buí”, dála an scéil. Ach níos nuaí.)

... Agus Sna Tuisil ...

Ar ndóigh, athraíonn na haidiachtaí go minic freisin mar thoradh ar an tuiseal a úsáidtear (m.sh. Tá an teach mór (mór san tuiseal ainmneach); Tá dath an tí mhóir deas (mór sa tuiseal ginideach). Déanann WinGléacht cúram de sin freisin: taispeántar na leaganacha den aidiacht sna tuisil éagsúla freisin ar an leathanach céanna.

Tá na leaganacha éagsúla de na haidiachtaí (sna tuisil amháin) ar fáil freisin in An Foclóir Beag.

Is gá íoc as an bhfeidhmchlár WinGléacht. Ní áis saor ó chostas é. Pléitear WinGléacht faoi áiseanna aistriúcháin.

LibreOffice - An Próiseálaí Focal is Fearr

Foclóir Gaeilge/Gaeilge ar-líne

Potafocal